مكانة الاذكار واهميتها في حياة اطفالكم
السلام عليكم ورحمة الله وبركاتة
ضروري عيالكم يحفظون الاذكار ويرددونها يومياً
اشرحوا لهم اهميتها وفائدتها
من الاذكار اللي محفظتها بنتي واحرص عليها ترددها يومياً
( اللهم اني اعيذ نفسي بكلماتك التامات من كل شيطان ومن كل عين لامه) (اللهم اني استودعتك نفسي فانني في ودائعك وودائعك لا تضيع ابدًا) (اللهم احفظني من بين يدي ومن خلفي وعن يميني وعن شمالي ومن فوقي واعوذ بعظمتك ان اغتال من تحتي)
بالاضافة الى
آية الكرسي
(الفلق،الناس،الاخلاص)
هذا اللي يهمني بنتي تردده كل يوم وحرصت احفظها اياه من عمر صغير
وباقي الاذكار نرددها سوا لو كان فيه وقت
واقول البداية وهي تكمل الباقي ماشاء الله
ودايم تحب تقول قبل تروح المدرسة
(اللهم يامعلم ابراهيم علمني ويامفهم سليمان فهمني ويامؤتي لقمان الحكمة وفصل الخطاب آتني الحكمة وفصل الخطاب )
و
( الله اجعلني مباركًا اينما كُنت )
وفي فكرة حلوه علقوا الاذكار على مكتبهم
و باب الشقة وغرفتهم وسريرهم
انا معلقه على سريرها دعاء النوم قبل وبعد وعلى الحمام وعلى باب الخروج واذكار الصباح على باب غرفتها،
هي حافظتها بس للتذكير لانهم اطفال باقي الادعيه اللي حفظتها "سيد الاستغفار"
(رضيت بالله رباً وبالاسلام ديناً وبمحمد صلى الله عليه وسلم نبياً)
وعلموهم يدعون بين الاذان والاقامة ..
ويوم الجمعه بعد العصر وقت ساعة الاستجابه
دايم اذكرها واقولها ادعي باللي تبين
ولا تنسين تقولين اللهم صلِ وسلم على نبينا محمد
وشيء مهم ادعوا قدامهم وارفعوا صوتكم حتى
لما تذكرون الله وتستغفرون
خلوهم يسمعونكم ويشوفونكم ويتعلمون تعمدوا تقرأون القرآن قدامهم
صدقوني بيكون اثره عظيم
مثلاً
عصر الجمعة دايم كذا ..
وعادي عندي اتحمل الازعاج والمشاغبة
وانا اقرأ عشان ازرع فيهم حب القرآن والمداومة عليه
كل شيء يتعلمونه بالقدوة مو بالاوامر ..
اول مايشوفوني اخذ القرآن يروحون يجيبون القرآن حقهم الله يجعلهم من حفظة كتابه يارررب
واذكار الصباح والمساء
معلقتها على باب غرفتهم عشان تتذكر تقراها
وتكون قدام عينها وتتعود عليها وتعرف اهميتها
طبعاً ياسر يقلد
بكذا انتهينا
استقبل اي ملاحظه او تعليق يسعدني
وهنا متجر خاص بقصص الاطفال
يسعدني ويشرفني تشوفونه
ودعمه
شكراً
تعليقات
إرسال تعليق